Kejt Blanšet iznenadila gestom na crvenom tepihu u Londonu

Slavna glumica pokazala srednji prst tokom dodjele Olivier nagrada, snimak odmah izazvao reakcije na društvenim mrežama

Kejt Blanšet, oskarovka i jedna od najpoznatijih glumica današnjice, ponovo je privukla pažnju javnosti. Na dodjeli prestižnih Olivier nagrada održanoj u nedjelju u Londonu, kamere su zabilježile trenutak kada je Blanšet nekome izvan kadra pokazala srednji prst, što je odmah postalo tema na društvenim mrežama.

Na snimku, koji se ubrzo proširio internetom, vidi se kako 56-godišnja glumica prvo gleda prema osobi sa strane i govori: “Prestani.” Nekoliko sekundi kasnije, u istom smjeru podiže srednji prst, ali ga vrlo brzo spušta. Iako nije poznato kome je gest bio upućen niti šta je prethodilo ovoj reakciji, mnogi na internetu nagađaju da je riječ o šali ili odgovoru na provokaciju.

Neki korisnici smatraju da je gest bio upućen fotografu ili novinaru, dok drugi vjeruju da je sve bila interna šala s obzirom na to da je Kejt pritom djelovala opušteno i čak se nasmijala.

Reakcije na društvenim mrežama nisu izostale. “Predivna je čak i kad pokazuje srednji prst”, “Reci ti njima, Kejt”, “Niko se neće zezati s njom”, “Može raditi što god želi, legenda je i jasno se vidi da se samo šalila”, nizali su se komentari ispod snimka. Fanovi su joj u velikom broju dali podršku, ističući da je i u neformalnim situacijama prava zvijezda.

Za sada nema službenog komentara iz Kejtinog tima, a događaj je ostao simpatična anegdota s crvenog tepiha koja je izazvala osmijeh kod mnogih. Dodjela Olivier nagrada i ove godine okupila je brojne zvijezde i donijela zanimljive trenutke, a Blanšet je još jednom pokazala da je u centru pažnje – čak i bez riječi.